恭喜發財，豬年快樂！維園年宵結束啦！！！先祝各位豬年發過豬頭，豬籠入水！！！

呢一次年宵可以順利完成真係要多謝好多人！首先，當然要多謝一班義工，佢o地由 Preparation 到年三十晚都撐住我o地－－好多謝你o地同我o地一齊做 Packing，一齊叫賣，一齊食飯盒，一齊通頂！多謝你o地，多謝晒！！！

之後，緊係要多謝係背後不斷支持我o地家人、朋友，係呢七日o既年宵我o地要係維園，冇得好好o地同屋企人、情人食餐溫馨o既團年飯、過個浪費o既情人節－－Thank you 你o地諒解，我o地係呢個農曆假期陪多 D 你o地。

當然仲要多謝買左我o地 Products o既顧客－－你o地買晒我o地「發財豬豬」、「潮爆豬耳」、「招財雞雞」、「行運吉帽」同「搖錢鼓」，一件不留，我o地想自己留一 Set 都唔得！！！個個都頭帶豬耳，手抱豬豬行出維園，滿場全是豬耳仔，成個銅鑼灣都見到我o地 Products！真係唔想講出來，但冇計啦，鬼叫我o地 Prodcuts 咁受歡迎，連亞視、RTHK、蘋果、東方同大公報都有我o地 Products 出現，咁高緊曝光率，冇咩可能唔出現搶購潮，係唔係先？買唔到野o既朋友，唔使失望，因為我o地仲有少量「紅豬黑豬」，想買就係快手，Send 個 Email 到 pig.project07@gmail.com 訂貨，如果唔係你o地又會後悔啦！

最後，就係要多謝自己，一 Team 人一條心撐到而家，辛苦晒！！！多謝 Anson，多謝 German，多謝 Kalian，多謝 Landise，多謝 Priscilla，多謝 Polly，多謝 Raymond，多謝阿 Sui，多謝阿達，多謝 Tiffany，多謝 Venus！！！終於可以休息下啦！！！

--
特別鳴謝：
大角咀金星遊藝機中心（楊生提供免費倉庫）
亞洲電視新聞部（《時事追擊》組o既 Moon 同豪哥，尤其係豪哥，佢由星期日拍到年廿九）
香港青年協會（張 Sir 俾o既見，同願意俾高於市價買左「潮爆豬耳」）

ATV 《時事追擊》：
http://media.hkatv.com/media1/60mins/2007-02-17-02.wmv